Qazgıdromet: 10 sáýirge arnalǵan aýa raıy boljamy
ASTANA. QazAqparat - Búgin elimizdiń basym bóliginde aýa raıynyń turaqsyzdyǵy saqtalady: jer-jerlerde jaýyn-shashyn, tuman, kóktaıǵaq bolyp jáne jel kúsheıedi. Bul týraly QR TJM «Qazgıdromet» RMK-ǵa silteme jasap habarlady.
Aqmola, Qostanaı, Soltústik Qazaqstan oblystarynda jel 15-20 m/s deıin kúsheıip, kóktaıǵaq bolyp, sońǵy eki óńirge tuman túsedi dep kútilýde.
Pavlodar oblysynyń keıbir aýdandarynda jeldiń ekpini sekýndyna 17-22 metrge deıin jetedi. Al Ońtústik Qazaqstan, Qaraǵandy, Shyǵys Qazaqstan, kúndiz Batys Qazaqstan oblystaryn jel kúsheıip, kúshi15-20 m/s bolady dep kútilýde.
Almaty oblysynda da jel turyp, ekpini sekýndyna 17-22 metrge, al Jalańashkól aýdanynda 25 metrge deıin jetedi dep kútilýde. Sondaı-aq, búgin Jambyl oblysynyń jer-jerine tuman túsip, jeldiń kúshi 23-28 m/s deıin barady degen boljam bar. Qyzylorda oblysynda da jel kúsheıip, 15-20 m/s deıin baryp, shańdy daýyl bolsa, Mańǵystaý oblysynda tuman túsedi dep kútilýde.
