Qazgıdromet: 10 maýsymda Qazaqstannyń basym bóliginde kún ysyp, jaýyn jaýady
NUR-SULTAN. QazAqparat - Atmosferlyq aǵyndardyń ótýine baılanysty 10 maýsym kúni elimizdiń basym bóliginde jaýyn jaýyp, kún kúrkireıdi jáne jel kúsheıip, burshaq jaýýy yqtımal. Eldiń tek soltústigi men ońtústiginde ǵana jaýyn-shashyn bolmaıdy, dep habarlaıdy QazAqparat «Qazgıdromet» RMK-nyń málimetterine súıene otyryp.
Kásiporyn taratqan málimetterge qaraǵanda, Shyǵys Qazaqstan oblysynyń keı jerlerinde jel kúsheıip, jyldamdyǵy sekýndyna 15-20 metrge, ekpini 25 m/s-qa deıin jetedi, daýyl turyp, burshaq jaýýy múmkin.
Soltústik Qazaqstan, Pavlodar oblystarynyń keı jerlerine túnde jáne tańerteń tuman túsýi múmkin, Pavlodar oblysynda jeldiń jyldamdyǵy 18 m/s-qa jetedi.
Almaty, Qostanaı oblystarynda, túnde Qaraǵandy oblysynda jeldiń jyldamdyǵy 15-20 m/s-qa jetýi múmkin.
Atyraý, Batys Qazaqstan oblystarynyń keı jerlerinde daýyl turyp, burshaq jaýýy yqtımal.
Túrkistan oblysynyń keı jerlerinde jel 15-20 m/s-qa deıin kúsheıedi, shańdy daýyl turady. Kúndiz Aqtóbe oblysynyń keı jerlerinde daýyl turyp, jeldiń jyldamdyǵy 15-20 m/s-qa jetedi.
Almaty, Jambyl, Túrkistan, Qyzylorda, Aqtóbe oblystarynda, Qostanaı, Qaraǵandy oblystarynyń keı jerlerinde kúndiz aptap ystyq bolady.
Qyzylorda oblysynda, Aqtóbe, Qaraǵandy, Shyǵys Qazaqstan, Túrkistan, Jambyl, Almaty oblystarynda órt tutaný qaýpi saqtalady.
