Qazgıdromet: 10 mamyr kúngi aýa raıy boljamy
NUR-SULTAN. QazAqparat – «Qazgıdromet» RMK mamyrdyń 10-y kúngi aýa raıy boljamyn jarııa etti, dep habarlaıdy QazAqparat.
Ádettegisinshe, Qazaqstan aýmaǵynyń basym bóligine soltústik-batys jáne ońtústik tsıklondar jáne onymen baılanysty atmosferalyq aǵymdar yqpal etetin bolady. Sonyń saldarynan jaýyn jaýyp, eldiń ońtústigine, ońtústik batysynda nóser jaýyn jaýady.
Eldiń tek shyǵysynda ǵana kún ashyq bolady. Keı jerlerde jel kúsheıip, naızaǵaı oınap, burshaq jaýýy da yqtımal. Ońtústik batysta túnde jáne tańerteń tuman túsedi.
Túrkistan, Jambyl oblystarynyń keı jerlerinde naızaǵaı oınap, jel kúsheıedi, jyldamdyǵy sekýndyna 15-20 metrge jetip, burshaq jaýýy da yqtımal.
Almaty, Batys Qazaqstan oblystarynyń birqatar aýmaǵynda naızaǵaı oınap, jel sekýndyna 15-20 metr jyldamyqpen soǵady. Burshaq jaýýy da yqtımal.
Qostanaı, Soltústik Qazaqstan oblystarynda keı jerlerde naızaǵaı oınap, jel kúsheıip, jyldamdyǵy sekýndyna 15-20 metrge jetedi.
Shyǵys Qazaqstan oblysynda jáne kúndiz Pavlodar oblysynda jel sekýndyna 15-20 metr jyldamdyqpen soǵady.
Qaraǵandy oblysynyń keı jerlerinde naızaǵaı oınap, kúndiz soqqan jeldiń jyldamdyǵy sekýndyna 15-20 metrge jetedi.
Aqmola oblysynda da jel kúsheıip, sekýndyna 15-20 metr jyldamdyqpen esedi. Kúndiz naızaǵaı oınaıdy.
Maǵystaý oblysynda naızaǵaı oınap, túnde jáne tań ata tuman túsedi.
