Qazgıdromet: 1 naýryzǵa arnalǵan aýa raıy boljamy
ASTANA. QazAqparat - 1 naýryz kúni respýblıkanyń soltústik-shyǵysynda atmosferalyq frontaldyq aǵyndardyń ótýine baılanysty aýa raıy turaqsyz bolyp keledi, keı jerlerde qar jaýyp, jel kúsheıip, boran soǵady. Qazaqstannyń batys bóliginde aýa raıy jaýyn-shashynsyz bolyp keledi. Bul týraly «Qazgıdrometke» silteme jasap, QR TJM baspasóz qyzmetinen habarlady.
Aqmola, Soltústik Qazaqstan, Qaraǵandy, Qostanaı, Jambyl, Ońtústik Qazaqstan, Mańǵystaý, Qyzylorda oblystarynyń birqatar jerlerinde tuman túsedi. Pavlodar, Qyzylorda oblystarynda jel kúsheıip, ekpini 15-20 m/s-qa deıin barady dep kútilýde. Shyǵys Qazaqstan oblysynda burqasyn bolyp, 15-20 m/s jel soǵady. Almaty oblysynyń keı jerlerinde tuman túsip, kúndiz Jalańashkól aýdanynda ekpini 20 m/s-qa deıin baratyn qatty jel soǵady.
