Qazgıdromet: 1 qazan kúngi aýa raıy boljamy
NUR-SULTAN. QazAqparat – 1 qazan kúni el aýmaǵynyń basym bóliginde kún ashyq, tek ońtústikte jáne ońtústik shyǵysta atmosferalyq aǵyndardyń ótýine baılanysty jańbyr jaýady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Sonymen qatar respýblıkanyń keı jerlerinde tuman, jeldiń kúsheıýi, ońtústikte shańdy daýyl kútiledi.
Kúndiz Túrkistan, Qyzylorda oblystarynyń keı jerlerinde jeldiń jyldamdyǵy 15-20 m/s deıin jetedi, Qyzylorda oblysynda shańdy daýyl soǵýy yqtımal.
Qostanaı, túnde jáne tańerteń Aqmola, Soltústik Qazaqstan, Pavlodar, Shyǵys Qazaqstan oblystarynyń keı jerlerinde tuman túsedi. Jambyl oblysynyń keı jerlerinde tuman, 15-20 m/s deıin jeldiń kúsheıýi yqtımal.
Jambyl, Almaty oblystarynyń keı jerlerinde túnde jáne tańerteń 1-4 gradýs úsik kútiledi.
Qyzylorda, Túrkistan, Jambyl oblystarynyń basym bóliginde, Qaraǵandy, Aqtóbe oblystarynyń keı jerlerinde tótenshe órt qaýpi saqtalady.
