Qazgıdromet: 1 qańtar kúni respýblıkanyń basym bóliginde qar jaýady
NUR-SULTAN. QazAqparat - Qazaqstannyń basym bóliginde atmosferalyq frontaldy bólikterdiń ótýine baılanysty 2020 jyldyń 1-qańtary kúni aýa raıy turaqsyz bolady, dep habarlaıdy QazAqparat «Qazgıdromet» RMK-na silteme jasap.
Kásiporyn taratqan málimetterge qaraǵanda, qańtardyń 1-i kúni elimizdiń basym bóliginde jaýyn jáne qar jaýady. Keı jerlerde tuman, kóktaıǵaq, burqasyn bolyp, jel kúsheıedi.
Aqmola, Soltústik Qazaqstan, Qostanaı oblystarynda burqasyn bolyp, jel sekýndyna 15-20 metr jyldamdyqpen uıytqyp, ekpini 23-28 m/s bolady. Keı jerlerde kóktaıǵaq bolyp, Qostanaı oblysynyń keı jerlerinde tuman túsedi.
Batys Qazaqstan, Aqtóbe, Shyǵys Qazaqstan oblystarynyń keı jerlerińde burqasyn, kóktaıǵaq, tuman bolyp, jeldiń jyldamdyǵy sekýndyna 15-20 metrge jetedi. Al, Shyǵys Qazaqstan oblysynda jeldiń ekpini 25 m/s-qa jetedi.
Pavlodar, Qaraǵandy oblystarynyń keı jerlerinde, burqasyn, kóktaıǵaq bolyp, jel sekýndyna 15-20 metr jyldamdyqpen soǵady, ekpini 25 m/s bolady.
Almaty, Jambyl, Atyraý oblystarynyń keı jerlerińde tuman, kóktaıǵaq bolýy yqtımal.
Túrkistan, Qyzylorda, Mańǵystaý oblystarynyń keı jerlerińde tuman túsedi.
