Qazgıdromet: 1 aqpanǵa arnalǵan aýa raıy boljamy
ASTANA. QazAqparat - 1 aqpan kúni respýblıka aýmaǵynyń basym bóligi joǵary atmosferalyq qysym jaǵdaıynda bolady, aýa raıy jaýyn-shashynsyz. soltústikte, shyǵysta, ońtústik-shyǵysta atmosferalyq frontaldyq aǵyndardyń ótýine baılanysty aýa raıynyń turaqsyzdyǵy saqtalady, keı jerlerde qar jaýyp, jekelegen aýdandarda burqasynǵa ulasqan kúshti jel turady, keı aımaqtarda tuman, kóktaıǵaq kútiledi. Bul týraly «Qazgıdrometke» silteme jasap, QR TJM baspasóz qyzmetinen habarlandy.
Jambyl, Ońtústik Qazaqstan oblystarynyń keı tustarynda boran soǵyp, tuman, kóktaıǵaq kútiledi. Jeldiń ekpini 15-20 m/s-qa kúsheıedi. Shyǵys Qazaqstan oblysynyń jer-jerlerinde boran soǵady, tuman túsip, jeldiń kúshi 15-20 m/s-qa, jel ekpini 25 m/s-qa jetedi. Qyzylorda oblysynyń keıbir aýdandarynda boranǵa ulasqan jeldiń kúshi 15-20 m/s-qa jetedi. Aqmola oblysynyń keı jerlerinde jel 15-20 m/s-qa kúsheıedi. Almaty, Mańǵystaý, túnde Qaraǵandy oblystarynyń keı aýdandarynda tuman túsedi.
Qyzylorda, Aqtóbe, Qostanaı oblystarynda, Almaty, Atyraý, Qaraǵandy oblystarynyń keıbir tustarynda túnde qatty aıaz bolady. Ońtústik Qazaqstan, Mańǵystaý oblystarynda túnde qatty aıaz, jer-jerlerde aıaz qatty kúsheıýi múmkin.
