«Qazgeologııa» monoqalalardyń mańynan ken oryndaryn izdestirýde
ASTANA. 5 sáýir. QazAqparat - «Qazgeologııa» AQ qazirgi ýaqytta monoqalalarǵa jaqyn jerlerde ken oryndaryn izdep, baǵalaýmen aınalysýda. Bul týraly búgin «Qazgeologııa» AQ basqarma tóraǵasy mindetin atqarýshy Ǵalym Nurjanov málim etti, dep habarlady primeminister.kz.
«Strategııalyq tapsyrmalardyń biri monoqalalardaǵy ónerkásiptik nysandardy shıkizatpen qamtamasyz etý úshin jańa ken oryndaryn izdeý jáne baǵalaý bolyp tabylady, biz bul jumysty bastap kettik», - dedi Ǵ.Nurjanov.
Sonymen qatar, ol atalǵan salada jumys jańa ken oryndaryn qurý úshin iri jer qoınaýyn paıdalanýshylarmen júrgiziletinin atap ótti.
Munymen birge, elimizdiń mıneraldy-shıkizat bazasyn qamtamasyz etý úshin uıym altyn, polımetall, sırek jer metaly sııaqty strategııalyq mıneraldy shıkizatty izdeý jáne barlaýmen aınalysady.
Budan ózge, gaz paıdalanýmen baılanysty, Qaraǵandy kómir basseıniniń metanǵa tózimdiligin geologııalyq zertteý júrgiziledi.
