Qazgeologııa men koreıalyq KIGAM ınstıtýty elimizde polımetall izdeıdi
ASTANA. QazAqparat - Seýl qalasynda Memleket basshysynyń Koreıa Respýblıkasyna memlekettik saparynyń sheńberinde QR Investıtsııalar jáne damý mınıstri Jeńis Qasymbek pen «Qazgeologııa» AQ basqarmasynyń tóraǵasy Ǵalym Nurjanov KIGAM - Koreı geologııa ǵylymdary jáne mıneraldyq resýrstar ınstıtýtynyń prezıdenti Shın Djýng-Ho myrzamen kezdesti.
Kezdesýdiń kún tártibi - ınstıtýt basshylyǵymen jáne onyń qyzmetimen tanysý, sondaı-aq Qazaqstanda geologııalyq barlaý jumystaryn júrgizý yntymaqtastyǵy perspektıvalaryn talqylaý boldy.
KIGAM ınstıtýty óziniń polımetall kenderi men sırek metaldar izdeýge múddeliligin basa kórsetip, geologııalyq barlaý protsesindegi tásilder men jumys ádisteri, qoldanylatyn ınnovatsııalyq tehnologııalar týraly tanystyrýdy usyndy.
Qazaqstan-koreı bıznes forýmy men iskerlik keńesiniń sheńberinde olar boıynsha ınstıtýt óz tarabynan 2017 jyldan bastap perspektıvaly jobalardy qarjylandyrýǵa jáne birlesken jumystardy bastaýǵa ázir ekenin bildirgen Qazaqstannyń aýmaǵynda geologııalyq barlaý jumystaryn júrgizý jónindegi «Qazgeologııa» AQ pen Koreı KIGAM ınstıtýty arasynda yntymaqtastyq týraly memorandýmǵa qol qoıyldy.
Qujatqa «Qazgeologııa» AQ basqarmasynyń tóraǵasy Ǵalym Nurjanov jáne KIGAM ınstıtýtynyń prezıdenti Shın Djýng-Ho qol qoıdy.
Óz tarabynan KIGAM ınstıtýty «Qazgeologııa» AQ-qa Qazaqstan Respýblıkasynyń aýmaǵynda geologııalyq klaster qurý, eldiń taýken salasyndaǵy kadrlardy oqytý ári biliktiligin arttyrý boıynsha konsýltatıvtik kómek kórsetip, tájirıbesin bólisýge nıettenýde.
Sondaı-aq, «Qazgeologııa» AQ basqarmasynyń tóraǵasy «KORES-tiń» jańa prezıdenti Kım En-Mınmen kezdesý ótkizdi. Taraptar Qaraǵandy oblysynyń Dúısembaı ýchaskesindegi birlesken joba boıynsha yntymaqtastyqtyń aǵymdaǵy jaı-kúıin talqylap, dala jumystarynyń qorytyndysyn jasady jáne aldaǵy jylǵa arnalǵan josparlardy aıqyndady.
Eske sala ketsek, KIGAM ınstıtýty memleket oǵan tolyq demeýshilik kómek kórsetetin geologııa ǵylymdaryn damytýmen aınalysatyn álemdegi jetekshi ınstıtýttardyń biri. Geologııa ǵylymdary salasynda zertteýler júrgizip, qazirgi zamanǵy tehnologııalardy usynady jáne qyzmetter kórsetý arqyly geologııany memlekettik damytýǵa úles qosady. KIGAM ınstıtýtynyń kiris 2015 jyly 131 mln dollarǵa jetken. 
