«Qazǵaryshtyń» logotıpin ázirleý boıynsha baıqaý jarııalandy

ASTANA. 3 naýryz. QazAqparat - QR Ulttyq ǵarysh agenttiginiń («Qazǵaryshtyń») logotıpin ázirleý boıynsha baıqaý jarııalanyp otyr.

Atalǵan baıqaý aıasyndaǵy jumystar bıylǵy 20 naýryzǵa deıin qabyldanady.

Saraptamalyq komıssııanyń quramyna qurylymdyq bólimderdiń jáne «Qazǵarysh» basshylyǵynyń ókilderi endi. Komıssııanyń qorytyndy otyrysy 29 naýryz kúni ótip, jeńimpaz anyqtalatyn bolady. Baıqaýdyń nátıjesi «Qazǵaryshtyń» saıtynda 2 sáýirde jarııalanbaq.

Logotıpke qoıylyp otyrǵan tehnıkalyq talaptarǵa toqtalatyn bolsaq, bul belgi qazirgi zamanǵy nyshanda yqsham, birqıly, este tez saqtalatyn, sondaı-aq «Qazǵaryshtyń» jalpy tujyrymdamasyna saı bolýy tıis. Jeńimpazǵa atalǵan agenttik tarapynan baǵaly syılyq tabystalmaq.