Qazǵaryshta «Jıhan kóshpendisi» derekti fılminiń kórsetilimi boldy
ASTANA. 8 jeltoqsan. QazAqparat - Ulttyq ǵarysh agenttiginiń máslıhat zalynda Qazaqstan ǵaryshynyń tarıhyna arnalǵan «Jıhan kóshpendisi» derekti fılminiń kórsetilimi boldy, dep habarlady «Qazǵaryshtyń» baspasóz qyzmetinen.
Fılm egemen Qazaqstannyń ǵarysh salasynyń damý joly arqyly elimizdiń ǵarysh salasyn qalyptastyrýdaǵy Elbasy Nursultan Nazarbaevtyń rolin tanystyrady, ushqysh-ǵaryshker, Reseı Batyry jáne Qazaqstannyń Halyq Qaharmany, Ulttyq ǵarysh agenttiginiń tóraǵasy Talǵat Musabaevtyń eńbek joly týraly baıandaıdy.
«Qazaqstan Ǵarysh Sapary» Ulttyq kompanııasynyń tapsyrysy boıynsha fılmdi «Mır» memleketaralyq teleradıokompanııasy ázirlep otyr. Avtory - Sara Nurǵalıeva, ulttyq kompanııa prezıdentiniń keńesshisi, Baıqońyrda 30 jyl eńbek etken jýrnalıst. Qazaqstandyq ǵarysh taqyrybymen aınalysqanyna 20 jyl bolǵan jýrnalıst kóptegen jyldar boıy «QazAqparat» agenttiginiń «Baıqońyr» ǵarysh keshenindegi menshikti tilshisi bolyp tabylady.
Bul kúni «Qazǵarysh» mamandaryna sondaı-aq osy avtordyń «Talǵat Musabaev» atty qazaq tilindegi kitaby tanystyryldy. «Ǵıbratty ǵumyr» aıdarymen «Qazaqstan» baspasynan shyqqan kitap Baılanys jáne aqparat mınıstrliginiń tapsyrysy boıynsha jaryq kórgen.
Fılm men kitaptyń shyǵarylymy kosmonavtıkanyń aldaǵy 60 jyldyǵyna oraılastyrylyp otyr.
