«Qazǵarysh» TMD elderinde buryn-sońdy bolmaǵan zamanaýı tehnologııalarǵa negizdelgen óndiris kásiporynyn qurmaq
ASTANA. Qazannyń 18-i. QazAqparat /Aıdar Ospanálıev/- «Qazǵarysh» Ulttyq ǵarysh agenttigi TMD elderinde buryn-sońdy bolmaǵan zamanaýı tehnologııalarǵa negizdelgen óndiris kásiporynyn qurmaq. Bul týraly búgin selektorlyq rejımdegi Úkimet otyrysynda «Qazǵarysh» ulttyq ǵarysh agenttigi tóraǵasynyń orynbasary Meıirbek Moldabekov málim etti.
Onyń sózine qaraǵanda, atalǵan maqsatqa jetý úshin 2015 jylǵa qaraı jalpy qosymsha qunnyń ósimin 85 mlrd. teńgege, al eksport ósimin 15 mlrd. teńgege jetkizý qajet. Úshinshiden, spýtnıktik baılanysty paıdalaný deńgeıin 80 paıyzǵa, dáldigi joǵary spýtnıktik navıgatsııany 30 paıyzǵa jetkizý kerek. Sondaı-aq tutynýshylarǵa qajet jalpy derekterdegi qazaqstandyq jerdi qashyqtyqtan zondtaý ǵarysh apparattarynan alynatyn derekter úlesin 50 paıyzǵa jetkizý josparlanǵan.
«Baǵdarlamanyń maqsaty - Qazaqstanda tolyq qandy ǵarysh salasyn qurýdyń birinshi kezeńin iske asyrý bolyp tabylady. Bul maqsatqa jetý úshin ǵarysh júıelerin jasap ony paıdalana bilý kerek. Sondaı-aq jelili ǵarysh ınfraqurylymyn damytý kerek. Buǵan qosa, ǵarysh qyzmetiniń ǵylymı tehnologııalyq negizderin jetildirgen durys», - dedi M. Moldabekov.
