Qazǵarysh oqýshylardy Bilim kúnimen quttyqtady
ASTANA. Qyrkúıektiń 1-i. QazAqparat /Sara Qabıqyzy/ - Bilim kúni qarsańynda Qazaqstan Respýblıkasynyń Ulttyq ǵarysh agenttigi men onyń qaramaǵyndaǵy «Qazaqstan Ǵarysh Sapary» UK AQ «Nur Otan» Halyqtyq-demokratııalyq partııasynyń qoldaýynyń arqasynda «Balalardy mektepke daıyndaıyq» aktsııasyna qatysty.
Ulttyq kompanııanyń qyzmetkerleri ózderi erikti túrde jınaǵan qarjyǵa turmysy tómen otbasylardan shyqqan balalarǵa arnap mektepke qajetti jabdyqtardy alyp berdi. «Qazaqstan Ǵarysh Sapary» UK AQ prezıdenti Ǵabdýllatıf Myrzaqulov jazǵan quttyqtaý qaǵazda tek jyly lebiz ǵana emes, balalarǵa bolashaqta jaqsy bilim alyp, Qazaqstannyń ǵarysh salasynyń mamandary bolýǵa shaqyrǵan úndeý de boldy.
Qazaqstan Respýblıkasy Ulttyq ǵarysh agenttiginiń jaýapty hatshysy Erǵazy Nurǵalıevtiń aıtýynsha, kórsetilgen kómek úlken de qaıyrymdy kómektiń bir tamshysy ispettes bolǵanymen, onyń ózi balalarǵa mekteppen qaýyshýǵa múmkindik beretin zor qýanysh bolary sózsiz.
