Qazǵarysh mamandary men ekologtar semınar ótkizdi
ALMATY. Mamyrdyń 27-si. QazAqparat /Sara Qabıqyzy/ - «Zymyran-ǵarysh qyzmetiniń ekologııalyq qaýipsizdigi» - «Infrakos-Ekos» enshiles memlekettik kásiporny Almatyda uıymdastyrǵan semınarǵa osy taqyryp arqaý boldy.
Qazǵarysh agenttiginiń, Indýstrııa jáne jańa tehnologııalar mınıstrliginiń, Qazaqtyń ál-Farabı atyndaǵy Ulttyq ýnıversıtetiniń, bilim jáne ǵylym mınıstrligi men densaýlyq saqtaý mınıstrlikteriniń ǵylymı-zertteý ınstıtýttarynyń, sondaı-aq zymyran-ǵarysh qyzmeti salasyndaǵy ekologııalyq baǵdarlamalardyń teń oryndaýshy-uıymdarynyń ókilderi qatysqan semınardy Ulttyq ǵarysh agenttigi tóraǵasynyń orynbasary Erkin Shaımaǵambetov alǵysózben ashty.
Jınalǵan qaýym zymyran-ǵarysh qyzmetiniń qorshaǵan ortaǵa jáne halyqtyń densaýlyǵyna áserin baǵalaý jónindegi «Infrakos-Ekos» kásiporny men ǵylymı-zertteý ujymdary birlesip sheship otyrǵan máselelerdiń mańyzdylyǵyn bir aýyzdan atap kórsetti.
Semınar barysynda 12 baıandama tyńdalyp, olardyń talqylaýdyń qorytyndysy boıynsha Qazaqstanda zymyran-ǵarysh qyzmetiniń ekologııalyq qaýipsizdigin jaqsartý jónindegi birqatar usynystar engizildi.
