Qazǵarysh ǵarysh salasynyń qyzmetker áıelderin kóktem merekesimen quttyqtady
ASTANA. Naýryzdyń 6-sy. QazAqparat /Sara Qabıqyzy/ - Ulttyq ǵarysh agenttiginiń tóraǵasy Talǵat Musabaev naýryzdyń 8-i- Halyqaralyq áıelder kúni qarsańynda Qazǵarysh agenttiginiń qyzmetker qyz-kelinshekterin kóktem merekesimen quttyqtady.
Qazaqstannyń jańa ǵarysh salasyn qurýdaǵy áıelderdiń roline toqtalǵan T.Musabaev, búgin Qazǵaryshta negizgi qyzmetterde kásipqoı, ǵarysh isine berilgen jaýapty adamdardyń eńbek etip jatqanyn atap kórsetti.
«Agenttik ujymynyń 45 paıyzyn áıelder quraıdy, olar otbasyndaǵy ózderiniń negizgi otanalyq mindetterimen qosa, er azamattarmen qatar jáne teń qyzmet etýde», dedi T.Musabaev óz sózinde.
Kóktem merekesiniń qurmetine Qazǵarysh qyz-kelinshekterine gúl shoqtary tabys etildi jáne merekelik syıaqy berildi.
