Qazǵarysh delegatsııasy 61-inshi halyqaralyq astronavtıka kongresine qatysady
ASTANA. Qyrkúıektiń 23-i. QazAqparat /Sara Qabıqyzy/ - Tóraǵa Talǵat Musabaev bastaǵan QR Ulttyq ǵarysh agenttiginiń delegatsııasy Pragada ótetin 61-inshi halyqaralyq astronavtıka kongresine qatysady.
Halyqaralyq astronavtıka federatsııasy, Halyqaralyq astronavtıka akadeımıasy men Halyqaralyq ǵarysh zańgerligi ınstıtýtynyń uıymdastyrýymen Chehııada ótkizilip otyrǵan jyl saıynǵy kongress «Ǵarysh adam men ǵylym úshin» uranymen ótedi.
Forýmdy uıymdastyrýshylar habarlaǵandaı, astronavtıkalyq kongreske qatysý úshin Chehııaǵa álemniń túkpir-túkpirinen 2 500 delegat keledi.
Qazaqstan atynan osy forýmǵa Qazǵarysh basshysy Talǵat Musabaev, Qazǵarysh tóraǵasynyń orynbasary Meıirbek Moldabaev pen «Ǵaryshtyq zertteýler men tehnologııalar Ulttyq ortalyǵy» AQ-nyń prezıdenti Jumabek Jantaev qatysady.
