«Qazǵarysh» dáldigi joǵary jerseriktik navıgatsııa nysandaryn paıdalanýǵa qabyldady

ASTANA.QazAqparat - Memlekettik komıssııa «Qazaqstan Ǵarysh Sapary» Ulttyq kompanııasy» AQ-da qurylǵan «Dıfferentsıaldy túzetý jáne monıtorıng ortalyǵy (DTMO) men dıfferentsıaldy stansalar (DS) jelisiniń ónerkásiptik paıdalanýǵa engizilýin usyndy.

Memlekettik komıssııanyń tóraǵasy, QR Investıtsııalar jáne damý mınıstrliginiń Aeroǵarysh komıteti tóraǵasynyń orynbasary Meıirbek Moldabekovtyń baıandaýynsha, komıssııa múshelerine DTMO synaqtarynyń jáne 60 dıfferentsıaldyq stansadan turatyn navıgatsııa jelisi jumysynyń qorytyndylary usynyldy.

Bul nysandar dáldigi joǵary jerseriktik navıgatsııa júıesiniń (DJJNJ) jer betindegi ınfraqurylymyn kórsetip, qazaqstandyq tutynýshylardy jahandyq navıgatsııalyq jerseriktik júıelerdiń belgileri (GPS, GLONASS) týraly túzetilgen aqparatpen qamtamasyz etýge arnalǵan, dep atap ótti M.Moldabekov. DJJNJ kadastr jáne jerge ornalastyrý jumystary, topografııa-geodezııa jumystary, qurylys jumystary úshin koordınatalardyń dáldigin arttyrý, eginshilik, ınjenerlik-qoldanbaly jumystar úshin qoldanylady. Endi Qazaqstanda sapaly koordınatalyq-ýaqytsha qyzmet kórsetýler usynylatyn jer betindegi stansalar jelisi taraǵan, dep atap ótti «Qazǵarysh» tóraǵasynyń orynbasary. Qazirgi ýaqytta Qazaqstan úshin jańa nafıgatsııalyq tehnologııany aprobatsııalaý júrgizilýde. Osyǵan baılanysty, «Qazaqstan Ǵarysh Sapary» Ulttyq kompanııasy» AQ eki aı boıy qazaqstandyq tutynýshylarǵa DJJNJ qyzmetin tegin usyný boıynsha teńdessiz aktsııa ótkizýde.