Qazaqstan men Reseı Baıqońyrdyń qurylǵan kúnin birge atap ótedi
ASTANA. KAZINFORM – «Soıýz MS-27» ǵarysh kemesi basqarylatyn ushyrylym qarsańynda «Baıqońyr» ǵarysh aılaǵynda Roskosmos basshysy Dmıtrıı Bakanov pen QR Tsıfrlyq damý, ınnovatsııalar jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oramlamaǵambetovtyń kezdesýi ótti.
Taraptar «Baıqońyr» ǵarysh kesheniniń aldaǵy 70 jyldyq mereıtoıyn, ǵarysh aılaǵynyń týrıstik áleýetiniń múmkindikterin talqylap, Baıqońyrdyń qurylǵan kúnin birlese atap ótýge kelisti.
Sondaı-aq Qazaqstan men Reseı ǵarysh vedomstvolarynyń yntymaqtastyǵy kún tártibinde – zymyrandardy ushyrý jáne ǵarysh keshenin jańǵyrtý boıynsha «Báıterek» birlesken jobasyn júzege asyrý.
Roskosmos baspasóz qyzmetiniń habarlaýynsha, sol kúni Roskosmos basshysy Baıqońyrda NASA ákimshisiniń ǵaryshtyq baǵdarlamalar jónindegi orynbasary Kennet Baýersokspen kezdesý ótkizdi.
Buǵan deıin habarlanǵandaı, Baıqońyr qalasyndaǵy «Kosmonavt» qonaq úı kesheninde ótken memlekettik komıssııa otyrysynda jerústi ınfraqurylymy men «Soıýz 2.1a» zymyran tasymaldaǵyshynyń ushýǵa daıyndyǵy rastalyp, HǴS-qa ushatyn ekıpaj bekitildi.
