«Qazfosfat» JShS basshylyǵynyń ustalyp, kásiporynda tintý júrgenin joqqa shyǵardy
NUR-SULTAN. QazAqparat – «Qazfosfat» JShS-nyń baspasóz qyzmeti atalǵan kásiporyn basshylyǵynyń qamaýǵa alynǵany týraly aqparatqa qatysty resmı túsinikteme berdi, dep habarlaıdy QazAqparat tilshisi.
«Qazfosfat» JShS basshysy Nurhan Nurlanovqa qatysty tarap jatqan aqparattyń shyndyqqa janaspaıtynyn resmı túrde málimdeımiz. Kásiporynda eshqandaı tintý júrgizilgen joq. N. Nurlanovqa qatysty eshqandaı organ tarapynan ustaý áreketi bolǵan emes. Tarap jatqan aqparat – feık», - degen habar tarady atalǵan mekemeden.
Sondaı-aq, «Qazfosfat» JShS-nyń baspasóz qyzmeti azamattar men uıymdardyń quqyqtary men zańdy múddelerine zııan keltiretin jalǵan málimetterdi taratýshy QR Qylmystyq kodeksiniń 274-baby boıynsha jazalanady.
Eske sala ketsek, keshe Taraz qalasyndaǵy «Qazfosfat mıneraldy tyńaıtqyshtar» JShS zaýytynda apat boldy.
Al búgin QR Ekologııa, geologııa jáne tabıǵı resýrstar mınıstrliginen «Qazfosfat» mıneraldy tyńaıtqyshtar JShS Jambyl fılıalyndaǵy apatqa baılanysty jospardan tys tekserý júrip jatqany málim etildi.
