«Qazfosfat mıneraldy tyńaıtqyshtar» zaýytynda apat boldy

NUR-SULTAN. QazAqparat - Taraz qalasyndaǵy «Qazfosfat mıneraldy tyńaıtqyshtar» JShS zaýytynda apat boldy. Bul týraly QazAqparat Ekologııa mınıstrligine silteme jasap habarlaıdy.

«11 shildede, saǵat 20:30-da Taraz qalasyndaǵy «Qazfosfat mıneraldy tyńaıtqyshtar» JShS zaýytynda apat boldy. Ekologııa departamenti qala prokýratýrasymen birge aýadaǵy zııandy zattardy ólsheýge shyqty. Ftorly sýtektiń artýy 2-3 ese, ammıaktyń, kúkirtsýtektiń, SO2-niń artýy anyqtalǵan joq. Osydan keıin top Chaıkýrýkke qala shekarasyna qaraı bet aldy, óıtkeni jel sol baǵytta júrdi. Chaıkýrýkta barlyq kórsetkishter boıynsha normadan asý anyqtalǵan joq», - delingen habarlamada.

Osyǵan deıin Tarazdy qoıý tútin basqany anyqtaldy.