QazEÝ-de «Temekisiz ómir - esirtkisiz ómir» atty shyǵarmashylyq saıys ótip jatyr
ALMATY. Qazannyń 31-i. QazAqparat /Ádilet Musahaev/ - Búgin QazEÝ-de Áýezov aýdanynyń barlyq JOO-lar men orta bilim berý oryndary stýdentteriniń qatysýymen «Temekisiz ómir - esirtkisiz ómir» atty shyǵarmashylyq saıys ótip jatyr,
dep habarlaıdy QazAqparat.
Áýezov aýdandyq nashaqorlyqqa jáne esirtki bıznesine qarsy kúres komıssııasynyń qoldaýymen ótip otyrǵan is-shara barysynda, stýdentterdiń nashaqorlyqqa, temekige qarsy taqyrybynda túsirgen beınerolıkteri men plakattary jurtshylyqqa kórsetildi. Sondaı-aq basketboldan spartakıada ótip jatyr.
«Aýdanymyzda 6 joǵary jáne 8 orta arnaıy oqý oryndary bar, saıys solardyń belsendi stýdentteriniń uıymdastyrýymen ótip otyr. Sharanyń maqsaty - salaýatty ómir saltyn nasıhattaý, esirtkilik jáne psıhoaktıvtik zat tekti qoldaný men óristeýden saqtandyrý», deıdi Roza Islamova, Áýezov aýdany ákimdiginiń memlekettik quqyq bóliminiń bas mamany, esirtki jáne esirtki bıznesimen kúres komıssııasynyń hatshysy.
Atalmysh sharaǵa medıko-áleýmettik korrektsııa boıynsha qalalyq narkologııa ortalyǵynyń, Áýezov aýdandyq prokýratýrasynyń, Áýezov aýdany ishki ister basqarmasynyń, aýdandyq medıtsınalyq birlestiginiń, kommertsııalyq emes «PSI» uıymynyń ókilderi qatysty.
