QazEÝ-de 10 adam fılosofııa ǵylymynyń doktory atandy
ALMATY. Naýryzdyń 19-y. QazAqparat /Erbol Azanbek/ - Búgin T.Rysqulov atyndaǵy Qazaq ekonomıkalyq ýnıversıtetinde PhD baǵdarlamasy boıynsha oqýshy 10 adamǵa dıplom berý saltanaty ótti,
dep habarlaıdy QazAqparat.
QazEÝ rektory Álı Ábishevtiń aıtýynsha, Ýnıversıtet 3 kezeńdi bilim berý júıesin 2005 jyly qabyldanǵan 2015 jylǵa deıingi bilim salasyn damytýdyń tujyrymdamasy aıasynda qabyldaǵan. Jańa júıe boıynsha magıstranttar men doktoranttardy daıyndaý sońǵy 5 jylda júzege asyrylyp keledi. Saltanatty shara barysynda ýnıversıtet rektory jańadan PhD doktorlary atanǵan túlekterge tabys tiledi. Ýnıversıtet rektory óz sózinde bul túlekterdiń jańa baǵdarlama boıynsha bilim alýshylardyń aldyńǵy tolqyndarynyń biri ekendigine toqtaldy.
