«KazEOSat» spýtnıkterin qoldaný merziminiń ótip ketkenine 2 jyl asty - mınıstrlik

ASTANA. QazAqparat – Ortalyq kommýnıkatsııalar qyzmetinde ótken brıfıngide BAQ ókilderi Aeroǵarysh komıtetiniń tóraǵasy Baýbek Oralmaǵambetovten «KazEOSat» spýtnıkteri qashanǵa deıin jumys isteıtinin surady, dep habarlaıdy QazAqparat tilshisi.

«KazEOSat-1» jáne «KazEOSat-2» jerserikterin jasaýshylardyń kepildigi boıynsha olar 2021 jylǵa deıin jumys isteýi qajet bolǵan. Degenmen bizdiń ınjenerler ony qarap, olardyń qoldaný ýaqytyn 2023 jyldyń sońyna deıin uzartqan. Bizdiń boljamymyzǵa saı, qazirgi ushyp júrgen jerserikter 2026-2027 jyldarǵa deıin jumys isteýi kerek. Alaıda, olardy aýystyrý qajet. Bul óte mańyzdy másele», - dep jaýap berdi Baýbek Oralmaǵambetov.

Onyń aıtýynsha, «KazEOSat-1» spýtnıgin aýystyrý boıynsha qazir tehnıkalyq qujattama ázirlenip jatyr. Keler jyly atalǵan jerserikti qurastyratyn kompanııamen kelisimge qol qoıý josparlanyp otyr.