«KazEOSat» ózin 10 jylda aqtaıdy - T. Musabaev
Eske salaıyq, jalpy otyrysta «2009 jylǵy 6 qazandaǵy Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Jerdi qashyqtyqtan zondtaýdyń ǵarysh júıesin jáne ǵarysh apparattarynyń qurastyrý-synaý keshenin qurý men paıdalaný sharttary týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» Zań qabyldanǵan bolatyn.
Toqtala ketetin jaıt, 2014 jyly Qazaqstannyń Jerdi qashyqtyqtan zondtaıtyn eki ǵarysh apparaty orbıtaǵa shyǵarylǵan. Joǵary jáne ortasha dáldiktegi bul apparattar áli de Qazaqstannyń menshigine ótpegeni belgili.
«Bul ǵarysh apparattary eń aldymen memlekettik múddege jumys isteıdi, sondyqtan da olardyń ózderin aqtalýy birden bolmaıdy. Tipti, ózin-ózi ómir boıy aqtamaıtyn júıeler de bar. Al biz ózimizdiń spýtnıkter men jalpy qazaqstandyq ǵarysh júıesin 10 jyldyń ishinde ózin-ózi aqtaıdy dep eseptep shyqtyq. Árıne, bul eń birinshiden Úkimettiń qandaı sheshim qabyldaıtynyna da baılanysty. Ekinshi másele, ondaı júıeni ustap turý úshin de qarajat kerek. Óıtkeni, memlekettik organdarǵa ǵarysh apparattarynan túsirilgen sýretterdi tegin beretin bolsaq, onda ǵarysh apparatyn ustap turý máselesin sheshýge tıispiz», - dedi T. Musabaev.
Aıta keterligi, Qazaqstannyń memlekettik organdary suraý salý arqyly spýtnıkterden shamamen 10 mıllıard teńgeniń fotosýretterin alýda josparlaıdy. Al ǵaryshtyq júıeni ustap turý úshin shamamen jylyna 450 mln. teńge qajet eken.
