Kazenergy VIII eýrazııalyq forýmy aıasynda «Hanymdar» klýbynyń birinshi otyrysy ótti
Onda munaı-gaz salasynda jumys isteıtin otandyq jáne sheteldik kompanııa ókilderi bas qosyp, energetıkany damytýdaǵy názik jandylardyń rólin talqylady. Máselen, elimizde aýyr sanalatyn salada qyzmet etetin áıelderdiń úlesi 25 paıyzdy quraıdy. Al damyǵan memleketterde bul kórsetkish 40 paıyzdan asady. Sondyqtan mamandar adamdy qabiletine qaraı baǵalaý kerektigin alǵa tartady.
«Norvegııada áıelderdiń 42 paıyzy, erkekterdiń 58 paıyzy qarqyndy damý úrdisindegi iri kompanııalarda qyzmet etedi. Álemdik daǵdarysqa qaramastan, olardyń ekonomıkasy turaqty damýda. Biraq Gretsııa, Italııa, Kıpr, Ispanııa syndy memleketterde genderlik teńdik máselesi sheshimin tappaǵan. Sondyqtan ekonomıkasy da turaqsyz», - deıdi QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymy Gúlshara Ábdihalyqova.
