«Kazenergy» Ulttyq energetıkalyq baıandamany tanystyrdy

Bul qujatta Qazaqstannyń otyn-energetıkalyq kesheniniń ahýaly men damý bolashaǵy qamtylǵan.

Qaýymdasyqtyń Bas dırektory Áset Maǵaýovtyń aıtýynsha, atalǵan ulttyq baıandamany ázirleý ıdeıasyn qaýymdastyq tóraǵasy Tımýr Qulybaev usynǵan. «Ony daıarlaýǵa salalyq mınıstrlikter, ǵylymı-zertteý ınstıtýttary, qaýymdastyq músheleri men birqatar konsaltıngtik kompanııalar tartyldy»,-dedi ol.

Baıandamada otyn-energetıkalyq saladaǵy jaǵdaı boıynsha tyń málimetter men taldaýlar jáne sarapshylardyń qorytyndylary qamtyldy.

Bas dırektordyń sózine qaraǵanda, qujatty ázirleý kezinde Dúnıejúzilik energetıkalyq keńestiń usynystary, sondaı-aq energetıka salasyndaǵy jahandyq zertteýler men boljamdar eskerildi.