«KAZENERGY» qaýymdastyǵy men «QazMunaıGaz» ulttyq kompanııasy «Jeńis muragerleri» saıysynyń qorytyndysy boıynsha fotokórme ótkizedi

ASTANA. Mamyrdyń 19-y. QazAqparat - Mamyrdyń 22-sinde saǵat 11.00-de Astana qalasyndaǵy Qazaq gýmanıtarlyq zań ýnıversıtetinde «Ýaqyttyń ámiri júrmeıtin estelik» atty fotokórme ashylady. Bul kórme Uly Jeńistiń 65 jyldyǵyna arnalǵan «Jeńis muragerleri» aktsııasyn qorytyndylaıdy.

Fotokórmege «Ýaqyttyń ámiri júrmeıtin estelik» saıysynda iriktelgen úzdik sýretter qoıylady. Atalǵan fotosaıysqa joǵarǵy oqý oryndary men kásibı kolledjderdiń stýdentteri, mektep oqýshylary men jas mamandar qatysqan bolatyn.

Bul fotokórmeniń maqsaty - Uly Jeńis jaıly, maıdan men tyldaǵy azamattardyń erligi men sol bir qasireti mol kúnderdiń oqıǵalaryn jastardyń esine salý.

Týra osyndaı kórme sońynan L.N. Gýmılev atyndaǵy Eýrazııa Ulttyq Ýnıversıtetinde ótkiziledi.