«KAZENERGY» qaýymdastyǵy qazaqstandyq stýdentterdiń oqý aqysyna 1,1 mln. dollar bóldi (FOTO)
ALMATY. QazAqparat- Bıyl «KAZENERGY» qaýymdastyǵy qazaqstandyq stýdentterdiń oqý aqysyna 1,1 mln. dollar bóldi. Bul týraly búgin Almatyda QBTÝ jáne Q. Sátbaev atyndaǵy QazUTZÝ stýdentterine bilim sertıfıkattaryn tabystaý barysynda Qaýymdastyqtyń atqarýshy dırektory Toǵjan Qojalıeva málimdedi.
«KAZENERGY» qaýymdastyǵy segiz jyldan beri qazaqstandyq jas mamandardy daıarlaý salasynda bilim baǵdarlamalaryn júzege asyryp keledi. Sońǵy eki jylda biz jer qoınaýyn paıdalanýshylardyń kelisimsharttyq mindettemeleri boıynsha kadrlar daıarlaý isin júıelendirýmen aınalysyp jatyrmyz. ıAǵnı, munaı óndirýshi kompanııalar bóletin qarjynyń 1 paıyzy jergilikti kadrlardy daıarlaýǵa jumsalady», - dedi T. Qojalıeva.
Onyń aıtýynsha, stýdentter arnaıy ereje boıynsha irikteledi. Sondaı-aq, jumys berýshilerdiń suraýy boıynsha qazaqstandyq joǵary oqý oryndarynyń reıtıngi jasalǵan. Budan basqa, ár túrli vedomstvo ókilderi engen ashyq komıssııa quryldy. Ol úmitkerlerdi irikteý júıesiniń ashyq júrgizilýin qadaǵalaıtyn bolady.
«Bıyl búkil Qazaqstan boıynsha 800-den astam adam grantqa ıe boldy. Granttardyń jalpy somasy - 1,1 mln. AQSh dollary. Olardyń barlyǵy ashyq baıqaýlarǵa qatysty. Bul jerde basty talap - úzdik oqý. Deıturǵanmen, áleýmettik az qamtylǵan otbasylardyń balalaryna basymdyq berildi. ıAǵnı, oqý aqysyn tóleýge jaǵdaıy kelmeıtin, biraq úzdik oqıtyn, daryndy jastarǵa qoldaý kórsetildi. Bul budan keıin de jalǵasyn tabatyn bolady. Óıtkeni, biz bul jumystyń oń nátıjesin kórip otyrmyz», - dedi Qaýymdastyqtyń atqarýshy dırektory.
Sonymen búgin QBTÝ jáne Q. Sátbaev atyndaǵy QazUTZÝ 51 stýdenti bir jyldyq oqý aqysyn jabatyn bilim sertıfıkattaryna ıe boldy.
