«Kazenergy» qaýymdastyǵy aktsııa ótkizýde, onyń aıasynda ardagerler dárigerlik kómek alady

ASTANA. Shildeniń 29-y. QazAqparat /Janna Qorqytova/ - Búgin Astana qalasynda Uly Otan soǵysyndaǵy Jeńistiń 65 jyldyǵyna oraılastyrylǵan «Jeńis urpaqtary» aktsııasy aıasynda osy soǵystyń ardagerlerine jáne soǵan teńestirilgenderge dárigerlik kómek kórsetý jáne erikti medıtsınalyq saqtandyrý baǵdarlamasynyń tusaýkeseri ótkizildi.

Bul sharany ótkizýge «Kazenergy» qaýymdastyǵy muryndyq bolyp otyr. Ústimizdegi jyldyń naýryz aıynda aldyna Uly Otan soǵysy jaıly estelikti saqtap qalýdy maqsat etip qoıǵan «Jeńis urpaqtary» jańa qaıyrymdylyq aktsııasyn bastap ta jibergen edi.

«Aktsııa aıasynda birqatar is-sharalar júzege asyryldy, al búgin biz osy úlken jobany aıaqtap, ardagerler syrqattanyp qalǵan jaǵdaıda dárigerlik kómek bere alý úshin olardy medıtsınalyq saqtandyrýdyń baǵdarlamasyn ashyp otyrmyz. Bul biregeı baǵdarlama, óıtkeni buryn-sońdy mundaı aktsııany eshbir kompanııa uıymdastyrmaǵan», - deıdi «Kazenergy» atqarýshy dırektory Álıakpar Mákishev.