KAZENERGY forýmy sheńberinde Tarazdyń turaqty energetıkalyq damýy boıynsha DACO jobasynyń donorlaryna arnalǵan dóńgelek ústel ótedi
BRıÝSSELЬ. 9 shilde. QazAqparat - Aǵymdaǵy jyly qazan aıynda Astanada ótetin KAZENERGY forýmynyń sheńberinde Tarazdyń turaqty energetıkalyq damýyn ilgeriletý baǵytyndaǵy DACO jobasynyń donorlaryna arnalǵan dóńgelek ústel ótpek.
Bul týraly QazAqparat tilshisine Energetıkalyq hartııanyń hatshylyǵynan habarlady.
Energetıkalyq hartııanyń aǵa sarapshysy Qanat Botbaev atap ótkendeı, DACO jobasy arqyly «Merlerdiń kelisimi» aýqymdy eýropalyq bastamanyń aıasynda qalalardy energetıkalyq turǵyda turaqty damytýdy ilgeriletý dittelip otyr. Atalmysh bastamanyń sheńberinde qalalar energetıkalyq damýdy ilgeriletý, kómirqyshqyl gazdyń bólinýin azaıtý, energııanyń qalpyna keletin kózderin damytý jáne energııa únemdilikti órkendetý mindetterin moıyndaryna alady.
Eýrokomıssııa qarjylandyrǵan, Energetıkalyq hartııanyń hatshylyǵy men Ketı (ALESA) ıtalıandyq provıntsııasy energetıkalyq agenttiginiń atsalysýymen júzege asyrylyp jatqan DACO jobasyna Taraz (Qazaqstan), Novogrýdok (Belarýs), Somonıen (Tájikstan), Sýmgaıt (Ázerbaıjan) qalalary qatysýda.
Q. Botbaevtyń aıtýynsha, Energetıkalyq hartııanyń hatshylyǵy joba sheńberinde Tarazdyń «Merler kelisimine» qol qoıýyna qolushyn sozyp, qalanyń energııa únemdiligi baǵdarlamasyn ázirleýge tehnıkalyq kómek kórsetýge, Tarazdaǵy áleýmettik nysandardyń birinde qalpyna keletin energııa kózderin damytý ilki jobasyn júzege asyrýǵa nıettenip otyr.
