KAZENERGY 2040 jylǵa qaraı Qazaqstandaǵy elektr energııasy óndirisiniń boljamyn tómendetti
ASTANA. QazAqparat - «KAZENERGY» 2040 jylǵa deıin Qazaqstandaǵy elektr energııasy óndirisiniń boljamyn tómendetedi . Bul týraly qaýymdastyqtyń baspasóz qyzmeti taratqan habarlamada jazyldy.
Búgin 2-shi «Ulttyq energetıkalyq baıandamany» shyǵarýǵa arnalǵan baspasóz máslıhaty ótti.
Sharaǵa «KAZENERGY» qaýymdastyǵy tóraǵasynyń orynbasary U.S. Qarabalın, «KAZENERGY» Qaýymdastyǵynyń bas dırektory B.Ý.Aqsholaqov, «Samuryq-Energo» AQ strategııalar jáne satý boıynsha basqarýshy dırektory K.T.Moldabaev, EnergyInsight IHS aǵa ǵylymı qyzmetkeri D.Berkov qatysty.
«Elektr qýatyn tutynýdyń ósimi týraly aıtqan UEB avtorlary ony tutyný ósimi buryn boljaǵan kórsetkishten áldeqaıda tómen bolatynyn atap kórsetken. Boljam boıynsha elektr energııasyn paıdalanýdyń jyldyq ortasha ósimi 2015-2040 jyldary aralyǵynda 1-1,2% deńgeıinde bolady dep qarastyrylǵan. Elektr energııasy óndirisiniń kólemi 2030 jylǵa qaraı 111 mlrd kVt*s dep baǵalanyp otyr. Bul Qazaqstan boıynsha negizgi boljamnan kem degende 34 mlrd kVt*s-ǵa kem», - delingen habarlamada.
2015 jylǵy baıandamada energııa resýrstarynyń iri paıdalanýshylarynyń biri jáne Qazaqstannyń mańyzdy seriktesi Qytaıdaǵy energetıkalyq sektordyń damýyna da jeke zertteý júrgizildi.
