«Qazenerdjı» jańa Energetıka mınıstrligin qurýdy usynyp otyr
ASTANA. 19 sáýir. QazAqparat - «Qazenerdjı» energetıka jáne munaı-gaz kesheni uıymdarynyń qaýymdastyǵy jańa memlekettik organ - Energetıka mınıstrligin qurýdy usynyp otyr.
Qaýymdastyqtyń bas dırektory Áset Maǵaýovtyń aıtýynsha, uıym ázirlegen Ulttyq energetıka baıandamasy aıasynda salyq, ekologııa, jer qoınaýyn paıdalaný sııaqty zańnamaǵa tıisti ózgertýler engizip, jylýmen qamtamasyz etý týraly zańdy qabyldaý usynyldy. Sondaı-aq Ulttyq energetıka baıandamasynda tehnıkalyq reglamentter, tarıf saıasaty men qarjylandyrý tetikterin jetildirý máselesi kóterildi. «Biz bólek Energetıka mınıstrligin qurý máselesin qarastyrýdy usyndyq. Ulttyq energetıka baıandamasy Úkimet basshysyna tanystyryldy. Jalpy, ol negizgi máselelerdi qoldap otyr. Osy jumystyń nátıjesinde energetıkalyq keshendi damytý strategııasyn ázirleý týraly sheshim qabyldandy», - deıdi Á.Maǵaýov.
