«Qaztsınk» ujymy topyraq astynda qalǵan mashınıstiń jaqyndaryna kóńil aıtty
ÓSKEMEN. QazAqparat - Shyǵys Qazaqstannyń Tıshın kenishinde bolǵan apat saldarynan habarsyz ketken mashınıstiń denesi áli tabylmaı jatyr. «Qaztsınk» JShS ujymy 12 kún buryn úıindi astynda qalǵan áriptesteriniń týysqandaryna resmı kóńil aıtý habaryn joldady, dep habarlaıdy QazAqparat tilshisi.
«Joǵalǵan áriptesimizdiń úlken úıindi astynda qalǵanyn esepke ala otyryp, «izdestirý-qutqarý» jumystarynyń «qutqarý» sanatyna kóshkenin qaıǵyra otyryp habarlaımyz. «Qaztsınk» ujymy mashınıstiń týysqandaryna shyn júrekten kóńil aıtady. Búginge deıingi barlyq áreketimiz áriptesimizdi qutqaramyz degen úmitke toly bolatyn. Apat ornyndaǵy mamandar áli de táýliktik rejımde izdeý jumystaryn júrgizip jatyr», - deıdi seriktestiktiń qoǵammen baılanys basqarmasynyń basshysy Evgenıı Fomınyh.
Aıta keteıik, 24 tamyz kúni Rıdder qalasynyń irgesindegi Tıshın kenishinde topyraq opyrylyp, mashınıst úıindi astynda qalyp qoıǵan bolatyn.
