«Qaztsınk-Torpedonyń» hokkeıshisi lıganyń úzdik qorǵaýshysy atandy
ASTANA. 1 qazan. QazAqparat - Joǵary hokkeı lıgasynyń arnaıy komıssııasy sońǵy aıdyń úzdik hokkeıshilerin anyqtady.
Komıssııa qyrkúıek aıynda oq boıy ozyq bolǵan oıynshylardy suryptap aldy. Olar «Úzdik qaqpashy», «Úzdik qorǵaýshy», «Úzdik shabýylshy» jáne «Lıganyń úmiti» ataqtaryna ıe boldy. Onyń ishinde «Qaztsınk-Torpedonyń» oıynshysy ıÝrıı Sergıenko da bar. Ol segiz matchta tórt upaı jınap, qarsylastardyń qaqpasyna bir shaıba saldy.
Aıta keteıik, búginde Óskemen qalasynyń «Qaztsınk-Torpedo» hokkeı klýby Joǵary hokkeı lıgasynyń jalpy týrnırlik kestesinde birinshi orynda tur. Ol segiz oıynnyń jeteýinde jeńiske jetip, tek bir oıynda ǵana qarsylasyna býlıtten jol berip qoıdy.
