«Qaztsınk-Torpedo» Orsk qalasynyń quramasyn jeńdi
ASTANA. 27 jeltoqsan. QazAqparat - Búgin Óskemen qalasynyń «Qaztsınk-Torpedo» hokkeı klýby óz alańynda «ıÝjnyı Ýral» (Reseı, Orsk) komandasyn qabyldap, qarsylasty 2:1 esebimen jeńdi.
Bul oıynda qonaqtar esepti birinshi bolyp ashty. Biraq eki mınýttyń ishinde alań ıeleri tarazy basyn teńestire bildi. Al ekinshi kezeńniń aıaqtalýyna bir mınýttaı qalǵanda, Óskemen quramasynyń forvardy Evgenıı Rymarev esepti ulǵaıtty. 2:1. Úshinshi kezeńde «ıÝjnyı Ýral» óz shabýyldaryn údetip, esesin qaıtarýǵa tyrysty. Degenmen, «Qaztsınk-Torpedonyń» tasqamal qorǵanysyn bua almady. Qorytyndy esep - 2:1. Bul oıynnan keıin Óskemen qalasynyń hokkeı klýby jalpytýrnırlik kestede 7-shi orynǵa kóterildi. Onyń enshisinde 56 upaı bar. Degenmen, Óskemen hokkeı klýbynyń 4-5 oıynǵa kem oınaǵanyn eksersek, kósh basyna shyǵýǵa áli de talaı múmkindik bolady.
Aıta ketken jón, Italııanyń Trentıno qalasynda ótken qysqy Ýnıversıadaǵa baılanysty «Qaztsınk-Torpedonyń» oıyndary keıinge shegerilgen bolatyn.
