KazBuild - 2010 kórmesinde «Batys Qytaı - Batys Eýropa» jol dálizi qurylysynda júzege asyrylatyn kelisim jasaldy
ALMATY. Qyrkúıektiń 10-y. QazAqparat /Erbol Turymbetov/ - Almatyda KazBuild - 2010 saýda-ónerkásiptik qurylys kórmesi jalǵasyp jatyr. Oǵan 26 elden kelgen 380 kompanııa qatysýda, dep habarlaıdy QazAqparat.
Qazaqstandyq ULMA polsha-ıspandyq brend ókilderi búginde jergilikti kompanııamen tas shegendeý júıelerin jetkizip berý týraly kelisim-shart bekitip úlgerdi. Kelisim boıynsha, Ol qurylǵylar ortaazııalyq eń iri kólik jobasy «Batys Qytaı - Batys Eýropa» jol dálizi qurylysyna paıdalanylatyn bolady. ULMA tas shegen men aǵash óndirisinen álemdegi jetekshi kompanııalardyń birinen sanalady. Onyń ónimderi álemniń 55 eline tasymaldanady. Atalmysh kelisimniń qol qoıý rásimine ULMA Construction Polska SA kompanııasynyń prezıdenti Andjeı Kozlovskı arnaıy ushyp keldi.
Keń kólemdegi kórme osy aıdyń 7-sinde bastalǵan bolatyn. Uıymdastyrýshylardyń aıtýynsha, qatysýshylar arasynda júrgizilgen saýalnama boıynsha, qazirge deıin kóptegen kompanııalar ózara kelisimge otyryp úlgergen.
