«Qazbrıg» bitimgerlik mıssııasyn úndistandyq áskerıler oqytýda
QR Qorǵanys mınıstrligi baspasóz qyzmetiniń habarlaýynsha , Úndistan Qarýly kúshteriniń mobıldi-jattyqtyrý toby ekijaqty áskerı yntymaqtastyq sheńberinde Qazaqstannyń «Qazbrıg» bitimgerlik bólimshesine arnalǵan sabaqtar ótkizip jatyr.
Úndistandyq áskerılerdiń oqý baǵdarlamasy bitimgerlik mıssııanyń negizgi túrleri boıynşa aýqymdy teorııalyq blokty, sondaı-aq áskerı-azamattyq qarym-qatynastardyń quqyqtyq aspektileri men shıelenis aımaǵynda beıbit halyqtyń qorǵalýyn qamtıdy. Oqytý kezinde qazaqstandyq bitimgerler BUU mıssııalaryndaǵy mańyzdy qujattardy, kúshti qoldaný erejeleri men dırektıvalardy, operatsııalardyń tujyrymdamasyn, jaýyngerlik buıryqtar men taǵy basqany úırenedi. Teorııalyq blokty muqııat zerdelep, áskerı qyzmetshiler praktıkalyq sabaqtarda izgilik júkti tasymaldaý tájirıbesin jınaqtap, ártúrli janjaldy ózdiginen sheship kórip, jedel bazany uıymdastyrý men kúzetý jáne blok beketterdi óristetýdegi sheberlikterin pash etedi.
Búginde qazaqstandyq bitimgerlik batalon memleketten tysqary jaýyngerlik tapsyrmalardy erkin oryndaýǵa qabiletti. Ol NATO quramynda jáne UQShU, UJDK, ShYU quramynda jumys jasaýǵa beıimdelgen. Qazaqstandyq bitimgerlerge arnalǵan trenıngtiń sharyqtaý shegi oqý-jattyǵý polıgondarynyń birinde ótetin «Kógildir dýlyǵalar» oqý-jattyǵýy bolmaq.
