«Qazbat» bitimgershilik bólimsheleri alǵa qoıǵan tapsyrmalardy buljytpaı oryndady - QR Qorǵanys mırıstrligi
Oqý-jattyǵý 2014 oqý jylynyń jaýyngerlik daıyndyq josparyna sáıkes, «Kóktal» oqý-jattyǵý ortalyǵynda ótkizildi. Jeke quram áskerı tehnıkalarmen Qapshaǵaı qalasy - Saryózek kenti - «Kóktal» oqý ortalyǵy baǵyty boıynsha jáne keri qaraı 600 shaqyrymdyq marsh jasady. Jattyǵýǵa batalonnyń úsh desanttyq shabýyldaý rotasy men 60-qa jýyq jaýyngerlik tehnıkasy qatysty. Rotalyq-taktıkalyq jattyǵýǵa batalon komandıri podpolkovnık Bolat Dúısembaev jetekshilik etti» delingen QR Qorǵanys mınıstrligi baspasóz qyzmetiniń málimetinde.
Marsh kezinde júrgizýshiler taýly aımaqtardan, birneshe asýlardan ótip áskerı tehnıkany basqarý sheberlikterin shyńdady. Desanttyq-shabýyldaý rotalary jattyǵýdy barlyq shtattyq atys qarýynan jaýyngerlik oq atýymen aıaqtady.
Bitimgershilik batalonynyń jeke quramy jattyǵý kezinde berilgen tapsyrmalardy buljytpaı oryndap, joǵary nátıjelerge qol jetkizdi. Ásirese, arnaıy maqsattaǵy birinshi desanttyq-shabýyldaýshy rotasynyń leıtenant Nurlan Tólegenov bastaǵan vzvody jiti is-qımylymen erekshe kózge túsip, aldaryna qoıylǵan mindetterdi oryndaýdaǵy sheberligimen kózge tústi.
Sondaı-aq aeroutqyr áskerleriniń bitimgershileri sáýir aıynyń ekinshi jartysynda ótkiziletin brıgadalyq-taktıkalyq oqý-jattyǵýǵa qatysatyn bolady.