«QazAvtoJoldyń» taǵy bir sheneýnigine qatysty is qozǵaldy

NUR-SULTAN. QazAqparat – «QazAvtoJol» UK» AQ-tyń Qaraǵandy oblystyq fılıaly dırektoryna qatysty sotqa deıingi tergeý amaldary bastaldy. Tergeýdi QR Sybaılas jemqorlyqqa qarsy is-qımyl agentiginiń Qaraǵandy oblystyq departamenti júrgizip jatyr, dep habarlaıdy QazAqparat tilshisi.

Agenttik málimetinshe, fılıal dırektoryna «Nur-Sultan-Qaraǵandy-Balqash-Almaty» avtomobıl joly men «Anar-Osakarovka» joly ýchaskesin qaıda jóndeý jumystary tolyq kólemde oryndalmasa da atqarylǵan jumystar aktisine qol qoıý arqyly ókilettigin asyra paıdalaný aıyby taǵylyp otyr. Ol osy áreketi arqyly memleketke 300 mln teńgeden astam shyǵyn keltirgen.

«Tergeý amaldary jalǵasyp jatyr. Kúdiktige qatysty sońǵy úkimdi onyń kináli ekendiginiń deńgeıin anyqtaý arqyly sot shyǵarady», - delingen taratylǵan aqparatta.