«QazAvtoJoldyń» atyn jamylyp, alaıaqtyq jasaıtyndar kóbeıdi - mınıstrlik
«Ókinishke qaraı, búgingi tańda azamattar jol-qurylys salasynda jıi alaıaqtyq qurbany bolyp júr. Ózin «QazAvtoJol» UK» AQ qyzmetkerimin dep tanystyratyn keı adamdar senimge kirip, jol qurylysy salasynda belgili bir jumystar usynady eken. Osyǵan oraı «QazAvtoJol» UK« AQ barsha azamattardy abaı bolýǵa shaqyrady. Ondaı adamdar paıda tabý úshin kompanııanyń qupııa aqparatyn zańsyz qoldanýǵa áreket etedi. Eger siz osyndaı jaǵdaıǵa tap bolsańyz, www.qazavtojol.kz resmı saıtynda «Baılanys» tarmaǵyndaǵy baılanys nómirlerine habarlasyńyz» dep eskertedi mınıstrlikten.
Respýblıkalyq mańyzy bar avtojoldardaǵy barlyq qurylys jumystary, habarlandyrýlar, ótinish berý úlgileri korporatıvtik saıtta jarııalanǵan. Sondaı-aq, QazAvtoJol-dyń facebook/instagram/telegram áleýmettik jelilerindegi resmı paraqshalarynda qajetti mamandar, tehnıka men merdiger uıymdar týraly habarlandyrýlar kúndelikti jańartylyp otyrady.
«Barlyq suraqtar boıynsha kez kelgen ýaqytta kompanııanyń resmı paraqshalaryna nemese 1403 nómirindegi baılanys ortalyǵyna habarlasýlaryńyzǵa bolady. Baılanys ortalyqtyń operatorlary respýblıkalyq mańyzy bar avtojoldar týraly barlyq suraqtarǵa jaýap berip, qajet bolsa tótenshe qyzmet jáne jol polıtsııasymen baılanystyrady. Sonymen qatar, egov.kz saıtyndaǵy «Ashyq úkimet» bóliminde UK «AQ «QazAvtoJol» basshysynyń jeke blogyna onlaın rejımde habarlasýǵa da bolady» delingen habarlamada.
