QazAvtoJol júrgizýshilerge eskertý jasady
«Kazgıdromet» aqparatyna sáıkes, 7 aqpannan bastap 9 aqpanǵa deıin elimizdiń birqatar oblystarynda aýa raıy buzylady.
Osyǵan baılanysty QazAvtoJol júrgizýshilerge eskertý jasady.
«Qurmetti respýblıkalyq mańyzy bar avtojoldardy paıdalanýshylar!
Jetisý, Aqmola, Aqtóbe, Jambyl, Pavlodar, Qyzylorda, Qostanaı, Abaı, Soltútsik Qazaqstan, Túrkistan, Qaraǵandy men Ulytaý oblystarynda 30 m/sek. deıin jeldiń kúsheıýi, qar aralas jańbyr saldarynan kóktaıǵaq kútilýde. Taýly aımaqtardaǵy qalyń tuman úshin kórý qashyqtyǵy tómendeıdi», — delingen jazbada.
Qazirgi tańda jol qyzmetkerleri kóktaıǵaqqa qarsy materıaldardy daıyndap, kúsheıtilgen tártiptegi jumysqa kirisip ketken.
«Degenmen, qaýipsizdikti qamtamasyz etý úshin avtokólik qozǵalysyna ýaqytsha shekteý engizý múmkindigi týraly eskertemiz.
Alys saparlardan bas tartyp, asa qajettilik bolmasa eldi meken aýmaǵynan shyqpaýlaryńyzdy suraımyz», — dep jazdy jolshylar.
