QazAvtoJol jumysyna salǵyrt qaraǵan 5 merdigermen kelisimshartty úzdi

ASTANA. QazAqparat – Respýblıkalyq joldardy salýshy jáne jóndeýshi bes merdiger kompanııamen kelisim toqtatyldy, dep habarlaıdy QazAqparat tilshisi.

«Bıyl 5 merdiger uıymmen kelisimshart toqtatyldy. Merdigerler joldy ortasha jáne kúrdeli jóndeý jumystaryna salǵyrt qarap, bekitilgen kestege sáıkes jumys atqarmady. Aıta keteıik, merdigerler óz mindetterin oryndamaǵan jaǵdaıda «QazAvtoJol» tarapynan aıyppul salynady. Sonymen qatar, olardy «memlekettik satyp alýǵa josyqsyz qatysýshy dep taný«týraly sotqa talap-aryzdar jiberiledi», - dep jaýap berdi «QazAvtojol» ulttyq kompanııasy QazAqparat tilshisi joldaǵan saýalǵa.

Sondaı-aq, resmı aqparatta aıtylǵandaı, bıyl jol jumysshylarynyń jalaqysy 30% ósken.

«Jol mamandary men jumysshylar jyl boıy jumys isteıdi. Kóktemde bastap, kún sýytam degenshe jalǵastyrady. Jumysshylardy materıaldyq turǵyda yntalandyryp, kadr tapshylyǵy máselesin sheshý maqsatynda jyl basynan beri olardyń jalaqysy 30%-ǵa kóterildi», - delingen habarlamada.