«QazAvtoJol» jol jobalaryn «sheship beremiz» degen alaıaqtardan saq bolýǵa úndedi
ASTANA. KAZINFORM — «QazAvtoJol» UK» AQ merdigerler, qosalqy merdiger uıymdar men áleýetti ónim berýshilerge eskertý jasady.
Kompanııa jol jobalary men jumys kólemderin alyp berýge ýáde etetin alaıaqtar kóbeıgenin habarlady.
Kompanııanyń málimetinshe, keıbir úshinshi tulǵalar jol jobalaryn nemese jumys kólemderin belgili bir aqshalaı syıaqy úshin alyp berýge, máseleni «sheshýge», múddeni ilgeriletýge nemese tender nátıjesine yqpal etýge kómektesetinin aıtyp usynys jasaýy múmkin.
«QazAvtoJol» mundaı usynystarǵa senbeýge jáne aqsha bermeýge shaqyrady. Kompanııa muny alaıaqtyq áreket dep baǵalaıdy.
Eger osyndaı usynys tússe, bul týraly «QazAvtoJol» UK» AQ komplaens-qyzmetine dereý habarlaý qajet.
Jedel jeli: +7 (717-26) 4-87-35
Baılanys ortalyǵy: 1403
Elektrondyq poshta: hotline@qaj.kz
Eske salaıyq, buǵan deıin respýblıkalyq trassalarda «QazAvtoJoldyń» tehnıkalyq kómek pıkaptary jumysyn bastaǵanyn habarlaǵan edik.
