«Qazavtojol» jol-kólik oqıǵalary jıi tirkeletin aımaqtardy atady
NUR-SULTAN. QazAqparat –«Qazavtojol» ulttyq kompanııasynyń basqarma tóraǵasynyń orynbasary Talǵat Smaǵulov uzyn jolda jol-kólik oqıǵalary jıi tirkeletin bes aımaqty atady, dep habarlaıdy QazAqparat tilshisi.
«Osy jyldyń 9 aıynyń qorytyndysy boıynsha Qazaqstandaǵy halyqaralyq jáne respýblıkalyq mańyzy bar joldarda 1 383 jol-kólik oqıǵasy tirkeldi. Osynyń saldarynan 454 adam kóz jumyp, 2 160 adam ártúrli jaraqat aldy. Ótken jyldyń 9 aıymen salystyrǵanda jol-kólik oqıǵalarynyń 13 paıyzǵa azaıǵany baıqalady. Qaıtys bolǵandardyń sany 30 paıyzǵa, jaraqat alǵandardyń sany 22 paıyzǵa azaıdy», - dedi Talǵat Smaǵulov kompanııanyń Instagram paraqshasynda suraqtarǵa jaýap bere otyryp.
Onyń aıtýynsha Almaty, Aqmola, Jambyl, ShQO men Túrkistan oblystarynda jol-kólik oqıǵalarynyń kóp tirkeletini anyqtalǵan.
«Áıtse de osy oblystarda respýblıkalyq jáne halyqaralyq mańyzy bar joldardyń 26 paıyzdyq bóligi ǵana jatyr. Bizdiń ońtústik óńirde halyq tyǵyz ornalasqan. Sonymen qatar SQO, Qaraǵandy men Qostanaı oblystarynyń joldarynda da jol-kólik oqıǵalarynyń artqany baıqalady», - deıdi Talǵat Smaǵulov.
