«QazAvtoJol» jol boıyndaǵy servısterdi izdeýge arnalǵan qosymshany iske qosty

ASTANA. QazAqparat - «QazAvtoJol» UK» AQ Qazaqstannyń respýblıkalyq atomobıl joldaryndaǵy servıstik qyzmet kórsetý oryndaryn izdeýge arnalǵan «Kazway» mobıldik qosymshasyn iske qosty, dep habarlaıdy QazAqparat kompanııa baspasóz qyzmetine silteme jasap.

«Kazway mobıldik qosymshasynda jol boıyndaǵy 1800 servıs beketi, atap aıtqanda, janarmaı beketteri, motel, tamaqtaný, bólshek saýda oryndary, avtoturaqtar, evakýator, t.b. týraly málimetter bar», - delingen habarlamada.

Budan tys, Qazaqstan qalalarynyń ara qashyqtyǵyn esepteý fýnktsııasy da bar.

Bir aıta keterligi, paıdalanýshy júretin baǵytyn engizip, «Servısti tabý» pernesine bassa bolǵany, jol boıyndaǵy búkil servıstik qyzmet kórsetý oryndary qatar túzep tura qalady.

Offlaın rejımde jumys isteıtin qosymsha IOS júıesin qoldanatyn mobıldik qosymshalar úshin qoljetimdi. Qazirgi ýaqytta Android nusqasyn iske qosý boıynsha jumystar júrip jatyr.