«QazAvtojol» jarııalaǵan 7,2 mlrd teńgeniń konkýrsy sotta qaralyp jatyr
Serik Jumanǵarın «QazAqparat» halyqaralyq aqparat agenttiginiń alańynda ótken Orep Space kezdesýde memlekettik satyp alý konkýrstarynda da baǵany kelisip belgileý beleń alyp turǵanyn aıtty.
«Baǵany kelisip belgileý boıynsha aıtsaq, 2020 jyldyń qorytyndysy áli jasalyp jatyr. Pandemııa óz áserin tıgizdi. Biraq qazirdiń ózinde 1,7 mlrd teńgeniń aıyppuly salyndy. 2018-2020 jyldary saýda alańdarynda 55 baǵa kelisimi anyqtalǵan», - degen agenttik basshysy «QazAvtoJol» kompanııasynyń daýly konkýrsy týraly málimet berdi.
«Mysaly, avtomobıl joldaryn salý naryǵy jergilikti ákimdik pen «QazAvtoJol» kompanııasynyń quzyryna kiredi. Qazir bizde sot protsesteri júrip jatyr. Eki kompanııa 7,2 mlrd teńgeniń konkýrsyna qatysqan. Jeńimpaz kompanııa konkýrsta utý úshin satyp alý baǵasyn 4 000 paıyzǵa arzandatqan. Eki kompanııa da araǵa 14 mınýt salyp bir mezette ótinim bergen, ekeýi bir ІR-mekenjaıdy qoldanǵan. ıAǵnı eki ótinim de bir kompıýterden joldanǵan. Kompanııalar tipti bir zańdy mekenjaıda ornalasqan. Bir qurylys konsortsıýmyna qaraıdy. Zattardy bir ǵana oryndaý daıyndaǵan, kórsetilgen baılanys nómirleri de ortaq», - dedi Serik Jumanǵarın.
Eske salsaq, Básekelestikti qorǵaý jáne damytý agenttigi 2025 jylǵa deıin eldegi biryńǵaı operatorlardyń teń jartysyn qysqartpaqshy.
«Onyń ishinde 11 kásiporyn boıynsha túbegeıli shara qabyldadyq. Ekeýiniń jumysyn ońtaılandyramyz da, 9-yn «operator» mártebesinen aıyramyz. Bul 9-dyń beseýi jeke menshikke berilse, qalǵan tórteýi «operator» mártebesinsiz memlekettik organǵa baǵynyshyty kásiporyn bolyp qalady. Olardyń da satyp alýlar kezinde eshqandaı basymdyqtary bolmaıdy. Bul usynystardy ázirge Prezıdent ákimshiligi qoldap otyr. Jalpy 2025 jyldyń aıaǵyna deıin 20-25 operatordy mártebesinen aıyrý josparlanyp otyr. Bul alańdy tazartsaq, shaǵyn jáne orta bıznes ókilderi úshin 47 mlrd teńgeniń qyzmet kórsetý jáne taýar naryǵyna jol ashylady», - dedi agenttik tóraǵasy.
