«QazAvtoJol» UK» AQ-nyń burynǵy tóraǵasyna qatysty tergeý aıaqtaldy

ASTANA. KAZINFORM – Esil ózeni arqyly kópir salýmen «Jaqsy-Esil – Býzýlýk» avtojolyn kúrdeli jóndeýge bólingen memlekettik qarajatyn jymqyrdy degen kúdikpen «QazAvtoJol» UK» AQ burynǵy tóraǵasy men bas merdigerge qatysty tergeý aıaqtaldy.

Bul týraly QR Bas kólik prokýratýrasynyń baspasóz qyzmetinen málim boldy.

Tergeý nusqasy boıynsha «QazAvtoJol» UK» AQ basshylyǵy merdigerge negizsiz artyqshylyq bildirip, maqsatsyz paıdalanylǵan 200 mln teńge kóleminde avans bere otyryp, bir kózden alý tásilimen zańsyz shart jasasty.

«Kólik prokýratýrasy isti Astana qalasynyń sotyna joldady»,- delingen Bas kólik prokýratýrasy taratqan habarlamada.