«QazAvtoJol» UK» AQ Basqarma tóraǵasynyń orynbasary taǵaıyndaldy
Ýákiletti memlekettik organ - Qazaqstan Respýblıkasy Investıtsııalar jáne damý mınıstrligi jáne jalǵyz aktsııa ıelenýshi «Qazaqstan temir joly» UK» AQ kelisimi boıynsha, «QazAvtoJol» UK» AQ Basqarma tóraǵasy buıryǵymen 2016 jyldyń 15 tamyz kúni «QazAvtoJol» UK» AQ Basqarma tóraǵasynyń orynbasary laýazymyna Adýov Talǵat Múbarakuly taǵaıyndaldy, dep habarlady «QazAvtoJol» UK» AQ baspasóz qyzmeti.
Adýov Talǵat Múbarakuly 1973 jyldyń 20 naýryzda dúnıege kelgen, bilimi joǵary, Stambul qalasyndaǵy Marmara Túrik memlekettik ýnıversıtetin «Ekonomıka» mamandyǵy boıynsha bitirgen.
Eńbek jolyn 1998 jyly Almaty qalasyndaǵy «Týrkýaz Telekom» JShS fılıaly dırektorynyń orynbasary retinde bastaǵan.
1999-2000 jyldary «RAM-Henkel» JShS dırektorynyń orynbasary.
2002 jyly Qazaqstan Respýblıkasynyń Syrtqy ister mınıstrliginiń Investıtsııa komıtetiniń ınvestıtsııalyq jobalardy baqylaý bóliminiń úshinshi hatshysy.
2002-2003 jyldary Qazaqstan Respýblıkasy Syrtqy ister mınıstrliginiń Azııa, Taıaý Shyǵys jáne Afrıka departamentiniń úshinshi hatshysy.
2006-2007 jyldary Qazaqstan Respýblıkasy Syrtqy ister mınıstrliginiń Halyqaralyq uıymdar jáne kópjaqty yntymaqtastyq departamentiniń bólim basshysy, keńesshisi, birinshi hatshysy.
2007-2015 jyldary Qazaqstan Respýblıkasy Prezıdenti Hattamasy basshysynyń orynbasary, sarapshysy, aǵa keńesshisi, keńesshi qyzmetterin atqarǵan.
2015 jyly Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń memlekettik ınspektory laýazymyn atqardy.
2016 jyldyń tamyz aıynan bastap - «QazAvtoJol» UK» AQ Basqarma tóraǵasynyń orynbasary mindetin atqarýshy.
«Eren eńbegi úshin» (2012 j.) medalimen marapattalǵan.
