QazAvtoJol Túrkistan oblysyndaǵy joldyń ortasha jóndeý ýchaskesinde aqaýlardy anyqtady
TÚRKІSTAN. KAZINFORM - «QazAvtoJol» UK» AQ Túrkistan oblystyq fılıal mamandary respýblıkalyq mańyzy bar A-15 «Jızaq – Gagarın – Jetisaı – Abaı – Saryaǵash – Qaplanbek – Jibek joly» avtojolynyń 74-220 shaqyrymy aralyǵyndaǵy ortasha jóndeý ýchaskesinde aqaýlardy anyqtady.
Avtojoldyń 212+600 shaqyrymynda 1600 m² (200 metrge jýyq) aýdanda jańadan tóselgen qıyrshyq tasty-mastıkalyq asfaltbetonnyń yǵysýy túrindegi aqaýlar belgili boldy.
«Atalmysh ýchaskede jóndeý jumystaryn merdiger mekeme „ÁlemTransJol“ JShS atqaryp jatyr. Merdiger mekemege barlyq anyqtalǵan aqaýlardy joıý jáne sol jumystardyń sapasy men qorytyndysyn rastaý úshin arnaıy akkredıttelgen zerthanalar men ınstıtýttardan rastaıtyn qujatty usyný tapsyryldy», — dep jazdy jaýapty vedomstvodan.
Qazirgi tańda aqaýlardy avtojol ýchaskesinde aqaýlardy joıý jumystary atqarylyp jatyr. Kelisimshartqa sáıkes merdigerge anyqtalǵan kemshilikter boıynsha aıyppul salyndy.
Aıta keteıik, buǵan deıin Almatyda jol qurylysy boıynsha 754 mln teńgeniń zańbuzýshylyqtary anyqtaldy.
