QazAvtoJol tórt oblystyń joldarynda týyndaýy múmkin qaýip týraly eskertti

ASTANA. KAZINFORM - «QazAvtoJol» kompanııasy júrgizýshilerge elimizdiń tórt oblysyndaǵy joldarda týyndaýy yqtımal qaýip týraly eskertti.

- 2025 jylǵy 21 qarashada Qaraǵandy, ShQO, Abaı jáne Pavlodar oblystarynyń keı jerlerinde qar aralas jańbyr men qar jaýýy múmkin. Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, - delingen habarlamada.

1403 baılanys ortalyǵyna habarlasyp, táýlik boıy qosymsha aqparat alýǵa bolady.

Aıta keteıik, osyǵan deıin «Qazgıdromet» elimizdiń birqatar óńirinde kún raıyna baılanysty eskertý jasady.